Meziek

Meziek heet ’n groete beteikenis in de Mestreechter vastelaovend.

Op de ierste plaots zien daor alle lui die es einzelgänger, es  zaate herremeniekes  es  Sambabands of in aander gezèlsjapsvörrem acte de présence geve en in mier of mindere maote de Vastelaovend in schwung bringe. Respèk veur alle vastelaovendsmuzikante!

Vervolgens is d’r ’t Mestreechter Vastelaovendsleedjse dit weurt eeder jaor oppenui, de lètste jaore, gekoze door ’t vollek. De meininge euver ’t leedsje loupe oeterein vaan harststikke sjiek tot neet um aon te huure.

2017: Vleugelkes vaan Patrick van de Weijer, gezoonge door Nick&Patrick.

Leedsje Mestreech 2017

Veur de Keender höbbe v’r nog altied es super favoriet genoteert: Beyoncé, all the single ladies, remix

Ouch woort d’r väöl gevraog naor de awwerwètze leedsjes zoees “Carnaval in Mestreech (1947)” . Eederein dee ’n verzeuk tot us riech mèt jaor en naom vaan ’t leedsje dat heer wèlt huure en us daorbeij ’n gooi anekdote weit te lievere weurt miestal metein op zien winse bedeend.

Mèt de vastelaovend höbbe veer oongeschjreve contracte mèt ’n aontal geweldige muziekante en veer höbbe jaorleks ’t gelök um speciale gaste in us midde te kriege die ’t vollek,  eeder op hun eige meneer, weite te raake.

Uzze speciale muzikale vrun door de joare die veer hei wèlle memorere zien de lui vaan C’est Ca (http://www.cestca.nl/) en vaan de Chaupiques (http://www.chaupiques.nl/) dao geneete veer eedere kier weer vaan.

Wat veer hei ouch nog wèlle prissentere is ’n orkès boe veer, zoe es gezag es de Mestreechter muzikante effekes geine ammezuur mie höbbe, regelmaotig gèt vaan laote huure; Fanfare Ciocarlia (http://www.asphalt-tango.de/fanfare/artist.html)