Kaar

Al ’n paar jaor laank weurt ’t vastelaovendspektakel verleventig door de aonwezigheid vaan kaare. De höbs die apparate in alle soorte en maote.  Vaan super irritant tot hartstikke sjiek, die luij höbbe ziech allemaol meujte gedoon. WWW.BOEBISDIECH.COM goeit ziech jaorleks dedoor met de hullep vaan de kaar.

Ein dingk moot heij duudelik naor veure weure gebrach. Veer bedrieve  ’n kaar es ’n höllepmiddel um de vastelaovend op ’n sjieke meneer te kinne viere. Veer respectere de wortels vaan de Mestreechter vastelaovend, leventig meziek en ’t gesproke woord. Es d’r looker optreijje in de  traditionele vastelaovend en es d’n ammezuur vaan de muziekante oppenuij opgelaoje moot weure daan pas goeie  veer us höllepmiddel, de kaar, in d’n oetkiek en in d’n reijjaloet. Veer pretendere te beschikke euver ’n arsenaol aon gepaste meziek. Al verscheijje jaore zette veer nuijje trends. En door eederein dee  ziech in uzze  umgeving begief op ’n gepaste meneer verbaal te toeke creeere veer ‘nne sfeer dee huurt beij ‘nne oonvergetelijke vastelaovend.

Dat moos eve weure gememoreerd. Dér doen namelijk ouch allerhande wél verhaole de runde boedoor de idee vaan de kaar neet in ’t gooie perspektief weurt geplaots.

In de umgeving vaan de levelingsplaotse die bei WWW.BOEBISDIECH.COM door de jaore heen zien oontstande treffe veer väöl lui die ’t vastelaovend viere met de paplepel höbbe ingekrege. ’t deid us däög dat veer ouch steeds mier lui tegekoume die neet dee paplepel in  Mestreech gekrege höbbe mer die zich meujte doen op ’n sjieke meneer veur d’n daag te koume en ’t fies der fieste saame met us tot get oonvergetelijks weite te kriege. Sjapeau veur alle lui boe veer vaan hawwe en die vaan us hawwe.

Urren aofkoms heet veur us neet de beslissende importantie, es geer us è pèlske en ’n soes aonbeed zien veer urre vrund en kint geer neet mie kepot bei us.

Geef een reactie

Deze website gebruikt Akismet om spam te verminderen. Bekijk hoe je reactie-gegevens worden verwerkt.