historie

D’n tiedgeis roond BoeBisDiech. Jongessjaol en meitskessjaol, appaart. D’n ierste puunkrink in d’n aula tösse die twie sjaole. Vastelaovend mèt snie tot aon d’n kneeje. De Klein Comedie. Kollefit. Theresiakèrrek zäölke.  Kombi. De 4 köp…….v’r kinne nog weier goon, daor mooste veur naor Vleisbook.

Vrun en bekinde die trowwe ( of neet). En keender kriege. Weer oeterein goon.  Vastelaovend, same mèt eederein, ’t geveul. Keender mèt in de kouts. Saame boete en binne zien. Joonk, aajt, errem, riek. Gein verpliechtinge, lol, plezeer, verhaole, meziek, zinge, danse, sjanse.

’t waor in d’n aonloup naor ‘nne millenium vastelaovend  2000 dat aon ‘n taofel in Hier (is sinds 1970 Mestreech) getoek woort tege de kleris en de leefde veur mechanische meziek veur ’t vulle vaan looker in de vastelaovend vaan de straot en vaan de muzikante vaan idee naor realiteit verklaort woort. Op dat momint waor www.boebisdiech.com gebore en in dat jaor is de ierste demontabele kaar gebowd. De historie zeet dat toen die ierste kaar klaor waor ’n stök d’r aofgezeeg moos weure um ze ’t hoes oet te kriege. Dus ’t waor de ierste en is nog steeds de ierste kaar vaan boebisdiech.com, allein ’n stökske kleiner.

Door de jaore höbbe d’r deepte investeringe ploatsgevoonde in  ’n koffer-aggregaat en in ’n meziek-spraok-instellatie .

D’n domeinnaom, es gèste vaan vruntsjap, woort in ierste instantie in Duitsland geregistreerd.

Euregio in de praktijk, dames en hiere hotemetote!