Vastelaovend 2016

Leef bezeukers. ’t heet effekes gedoort. Gein rapportage vaan ’t Inhoole in 2016. V’r stoonte op us pläötske beij ’t Häönsje. In de drökte vaan ’t bestèlle, te laat um de cortège met de nuije Hoeglöstigheid vaanaof de Mèrret naor de receptie te filme.

Vaan de Vastelaovend; zien  d’r foto’s! Die weure zoees gebruukelek in de loup vaan d’n tied derbei gezat in us archief. Veur eederein towgenkelik. Wienig fotos mèt lies dit jaor, de lies is door ein of aandere “vierder” neet terökgebrach.

V’r zien neet zoe väöl op us pläötske veur de Mouton gewees.  De muzikale umliesting weurt perfek geregeld vaanoet ’t etabliesemint. Herremeniekes en Kaare die inspeule op de stumming vaan ’t momint, awwerwèts?!

D’r waore mèt d’n Vastelaovend oontwikkelinge die de missie en de visie vaan BoeBisDiech.com in de weeg stoon. Daor is de oontwikkeling dat Kaare neet mie getolereerd weure. Tenminste door de vreuntelikke luij die met de opgave vaan de Handhaving belas weure in us sjoen stad. Dizze oontwikkeling heet us traditionele verblief op de stòp en de beijbehurende mominte vaan gelök umgezat naor mominte vaan dreufheid en oonnuudig gewawwel..

Dink noe neet dat alles zoe duuster is gewees in 2016. Iech bin veur vernuijing!

Iech dink tot heijmèt indirek weurt aongetuunt dat “gunne” en “deile” en “netwèrrek” vendaog d’n daag te zier weurt geregeld door luij die ziech ins röstig bedachzaam op de kloete of de proum moote zètte saame mèt de aw proume vaan BoeBisDiech.com

Alaaf!

Hoeglöstigheid 2015

Verleie week is Odin Wijnhoven oppe Merret oetgerope tot hoegen hoeglöstigheid vaan de Tempeleers in Mestreech veur 2015.

De weurs veur Clara heet dee zoondeg  gewerrek en d’r waor ’n gooj stumming in ’t dörrep oondaanks de koupzoondeg.

Files waore d’r bei ’t Häönsje um beer te kriege. In d’n tempel vaan Henri waor ’t team good bezig. Teunsje waor ouch favoriet bei väöl inhoolers die gèt weg te werreke hadde deen daag.

oetrope2015

Veer winse Odin väöl gooj stumming en sjevraoje. Mèt kèttelke.

Boebisdiech is es d’n Hier ’t bleef dreij daog aon de geng. Odin v’r kaome us nog tege.

mijlpaol veur ’t Mestreechs

Höb geer vendaog De Leugeneer geleze? 18 november waor ‘nne memorabele daag. Roger Wijenberg is ‘nne Mestreechteneer dee mèt ingelegedöld  en op ’n gruutse meneer ‘nnen impùls gegeve heet aon de Mestreechter taolcultuur. De bestaonde digi-dictionair vaan de Veldekekrink waor al te vinde oonder http://www.veldekemestreech.nl/

Leugeneer19-11-2014

Roger Wijenberg heet gistere in ‘t Theater aon ’t Vriethof  ‘nne nuie Mestreechter taolsite  gepresenteert http://www.mestreechtertaol.nl/ . Groete chapeau mèt kèttelke veur uzzen Roger veur diz prestatie. Laot diech bei us zien mèt vastelaovend en v’r zalle diech op ’n gepaste meneer iere Roger. Formidabele prèstatie.